Kanyakumari A Danglam Bik...

Kum lama naupang tak ka nih laia atanga ka hriatdan in Mizoram atanga India ramchhunga zin theihna hla ber chu Kanyakumari ani tih kha ani thin.Mizoram lam atang pawn a thu a zin an tam em em thin(in hriatthiam mai ka ring) tih pawh chanchinbu atangin ka chhiar ve thin a, chuti taka miten ataka kal pawh nilo athu ringawt a kal an awm thin vel dan atang te pawn ka kal ve chak thin hle a..

He khawpui hi ka kalchak takzet a,a khawpui awmdan te,a mi cheng te leh aram leilung hrim hrim khu ka zu rap chak tih thu hi vawi duailo ka sawi ve thin.Hun leh nite aliam ve zel a,ka chakna leh ka duhna te pawn zual lam pan aiin ka kal thei dawna ka in hriatloh avangin zawi zawi in ka rilru ah a reh ve tial tial bawk a..

 

Kum 2019 alo her chhuak a, ka tan zirna leh thiltam takah kum chhinchhiah tlak ani..Chutin ka naupan lai atanga ka kal chakna hmun Kanyakumari chu ka tlawh thei ve dawn tareng mai le...A ngai te te in kan team pathum Super Trio ka ti mai dawn em ni Sanju,Sabu leh kei te chuan kan la dailoh ram kal turin chu khawpui zirna avanga kan awmna chu kan hnungchhawn a,Kanyakumari lam pan chuan kan liam ta vang vang a..........

 

August 2019  thla alo thleng a,ka awmna hmun chu sawi tam ngailo in achiang mai e Kanyakumari ani tlat.Dar 9pm velah kan hotel kan thleng a,double room kan la a mahse pathum kan thleng thung(Phakar angai,zirlai sum neilo kan ni tlat hahaha)..Kan thlenna hotel mobile signal leh wifi a chhe kher mai a,thiante leh chhungte biak pawh ahar hle a.

 

A zan a zan in kan kalchhuak nghal a,kan rilte atam bawk nen an thilsiam te pawh atui ka ti hle. Ayala sangha phei chu kei tui ka ti fal hle a, sangha manto alo nilo bawk a,ka ei nasa ve viau chuan ka hria.Tin Zan lamah pawh mihring an tam hle a,an khawmi chauh an nilo tih chu achiang reng mai bawk..Khualzin kan in pel suau suau a, hmelhriat erawh an vang fu lawi si.

 

Zanlam kan vak chhuak kan haw leh hnu chuan Hotel counter a thu te ni chhuah hun tur leh a view point te kan han zawt leh te te a,an nin hawihhawm takin min hrilh a,tui takin zan chu kan mu ta a.

 

Zing takah vai pathian thawh hmain kan tho a,khua pawh ala varlo. Ni chhuak en na tur hmun chu kan pan a,ala thim chhah hle nghe nghe.Mahse kan kal chhan ber pakhat kha ani bawk si a,mut a chhuakin chauh ana ngei mai...Chutah le khawvar hun alo thleng ta a,nimahse ni chhuak reng reng hmuh tur a awm ta bawk silo,khua lah chu a eng un tawh mai si a,ni pawh lang silo in chhum karah a tawm tlat mai bawk si a,hrilh ahai duh ngei mai le..Keini chauh kan nilo,hnam dang tam tak helai hmun a nichhuak thlir tum te pawh chu an beidawng hle a,lunghnur takin kan haw ta dam dam  hlawm a.

 

Kan hotel ah kan let a,kan ni hman dan tur te relin kan tlawh duh te Google Map atangin kan han thlir kual vel baw k a.Tlawh duh kan ngahin kan kal duhna erawh a in ang vaklo thung...

 

Kanyakumari hi khualzin te kal tamna hmun anih ang ngeiin sumdawnna hmunpui ani a,kil tinah theih ang tawk tawk a thilzuar an tam in hawina apiang chu sumdawnna hmun ani mai..Chu mai anilo ,thil ho te te tlawh theih leh luh theih te a tam em em a,eng eng emaw Museum atam hle bawk..Tin Beach bul vela thil chei danglam tak tak te leh an bazaar hmun te chu anuam in an lun cher cher hle bawk a.Rul chhaih atanga Vaki ai en tir thlengin chu bazaar lun tak mai ah chuan a awm ani...

 

Kanyakumari hmunah hian  heng  Gandhi Memorial,Beach Side Park,View Tower,Vivekananda Rock Memorial, Thiruvalluvar Statue,Sunrise Point,St Xavier Church te kan kal a.Tin Kerala House te kan tloh bawk a,anuam dang dai hle bawk.

 

Thil tam tak ka tawn hi chu ka rindan leh hmundang ah pawh ka tawn thin tho anih avangin mak ka ti hranlo a,khualzin tam lutuk te,hmuntin mai sumdawnna hmun an ni te kha mak ka ti viau lo bawk,ka rindan ang vel tho ani.Mahse an leilung danglam lutuk kha mak ka ti a,Tamil Nadu State ka kal ve tawhna chin ah an ram a zawlin awihtlan kan tih ang chi hi a awmlo atih theih hial ang..Mahse Kanyakumari erawh chutiang nilovin chhuk chho alo tam ve em em mai a,chu chuan Kanyakumari ka rin ang a nih tir talo chiang viau a,A danglam bik hle...

 

Hun i nei a,India ramchhung a zinkual i duh chuan Kanyakumari tluk hi chu a awm kher bik awmlo e.Tuifinriat tuipui 3 heng Indian Ocean,Bay of Bengal,Arabian Sea in zawm khawmna lai hmun ani a,India ramah  he khawpui tluka India ram hmun kilkhawr hi a awm awm love.

Ka Zinkawng Buaina Leh Harsatna Thenkhat...

Ka zinkawng thenkhat ah tluang viau thin mahila thenkhat erawh tluanloh em em na ka nei nual mai. Chungte chu kan thai lang ve a nge.

 

Aizawl to New Delhi:

Ka thianpa nen hlim takin New Delhi lam panin kan chhuk a,kan tluanglo hle a hemi tum hian. Kan tluanloh dan hi hetiang deuh hi ani e.

Sumo a chhuk thla kan ni a,Silchar thlen hma deuh ah khuan Truck lian tak mai chu alo mu ngut mai pek a,keini tan han tlan tlang ngaihna hi a awmlo hrim hrim a,rei tak kan han tang leh rih phawt mai a.

Shillong kan thleng thla a,kan driver chu meizial alo zuk avangin an han man nghal ringawt mai a,a chahbi rang lutuk a Traffic Police in aphawi lai kha ka mitthla hian ala hmu thei. An han pe phal nghal mai lo chiang khawp a,driver chuan chuan man ka pe let mai ang che u ati a,Guwahati thleng tur kan nih avangin pawisa chu min han kir let leh phawt a.

Sumo dang Guwahati lam pan tur kan han zawng leh tete a,pakhat chu kan han hmu ve hlauh a,chutah chuan ka thianpa nen chuan tifuh inti tak leh vannei inti tak chuan kan han chuanglut tazan a. Rei arial lo, Truck lian tak mai chu tlan pel ahan tum a kan driver chuan, chu truck driver chuan alo kian lo nasa mai ,kan han accident teuh mai mai khawp a,chutah vawi hnih vawi thum lai mai chu chutiang a kana wm takah chuan kan driver chu athinrim hle ani tih ka hmuthiam mai a. Chutah le remchang awm hmasa berah chuan aleh pel thei ta,tlan vang vang chu khawilam hi ani ringawt, kan driver chuan ahnunglam a truck chu an dang ding te te a,a seat hnuaia thir tiang lian leh sei zet mai chu rang taka phawrh chhuah pah leh motor atanga chhuk pahin chu truck kan nunna lak tumtu tih hial mai tur khawp a lo tlan thin a chu apan ding ta nghal a,engmah sawi set set lo chuan truck hma darthlalang chu akeh chuai chuai mai le,chumai ala duhtawk lo a,driver chu a chhun nawk nawk bawk...Keini kum lama naupang leh puitling tello a kal kan nisi a,kan hlau ru dun ngei mai...

Guwahati kan thleng thla a,Mizoram house a room kan lak tawh chu engemaw buai a awm avangin kan lut theilo leh a,Maengi PG an tih ah chuan kan lut ta rawih a,nula Lalsangpuii ka thiannu em em alo awm bawk a,nuam pawh ka tiin tun hun thleng hian Guwahati ka kal hi chuan ka iptepui banna alo ni ta ani.

Train chuan New Delhi lam pan chuan kan kal a,Ticket te an han check zuai zuai a,ka thianpa chu Train Ticket a ID number leh ama ID ken chu a inmil lo tlat mai a,chu tak chu ticket check tupa khan ahmu fuh si a. Thiam ang tawk tawkin kan han dil a,naupang mai kan la nisi a,ka dilna leh kan ngenna chu a pawmlo nasa mai si,a thu tlukna awmchhun chu train station hmasa berah i thianpa a chhuk ang tih ani tawp.Manganthlak tak ani.Mahse vanneihthlak takin Mizoram lama Chakma nupa lo chuang vete kan han pun a,an nin min sawi fel sak a,kan him hram ani. Tin kan thian Chakma nupa te nen hian kan inkawm zui ta reng bawk a.

Shillong to Aizawl:

Thianho in IIT Guwahati ah PARAM ISHAN Super Computer an dah thar en turin kan kal a,Shillong bazaar pahin kan ti a,Guwahti to Aizawl ticket la si in motor dangin Shillong ah kan va phei te te a. Rei vaklo ah kan sumo chuanna tur chu lo thlengin kan bungrua nilo bungraw tam tak alo phur teuh mai a,kan bungrua dahna tur pawh awmlek lovin driver sum duh chuan mi thil alo phur teuh hi alo ni a.Driver chu bungraw phurh hmundanga dahtha mai tur a kan in hriat tir hnuah rei tak inhnial hnu in kan inti fel a,Mizoram lam panin kan tlan chho veleh ta a.

Pic: IIT,Guwahati classroom.

Mizoram kan thleng chho hnai a,khua avawt in December thla ani bawk a,thli thaw pawh avawt tha kher mai. Khawvar hma deuh chuan thil puakri ring tak mai chuan ka muthlu lai chu min kaitho chiang ngei mai,helho in minlo kap emaw ka tih lai chuan ‘A ke a puak’ tia an sawi thawm ka hria a,thlamuang tak chuan ka awm zui leh ta vat a.

Chu driver chuan a ke dahthat alo nei hauhlo leh nghal a,avan buaithlak tak. A ke ka va siam tir ange ati a,motor reitak a chan hnu chuan akal phei thei ta hram a...

Keini motor a chuang ho tan tihtur a awmlo hle a,ril atamin khua avawt ve em em mai bawk si a,rilru chu anuamlo ve khawp mai..Kan driver lah athang rei ta,lo letleh tih reng reng a awm theilo,min tlanbosan aniang tih vel ringawt bak ngaihtuah ahar ta...Rei tawk fang kan nghah hnu chuan chu driver kan nghahhleh em em mai chu alo lang veleh ta hlawl mai bawk a,kan lawm rilru ngei mai..A hnua asawi danin amutchhuak lutuk kha alova muhil hmak ni awm ani.

The Ghost Town 'Danushkodi' ah ka kal

15^th August 2019 alo her chhuak a,ka thiante pathum Arshad Sabu,Sanju Govind te nen rei tak kanlo tum lawk tawh chu kan ti hlawhtling dawn ta a.Kan kal tumna hmasa leh kan hmuh chak em em hmun Danushkodi,Tha Ghost town ti hial a an koh khaw ram tawh chu tlawh turin tlai dar li velah Puducherry khawpui chu Train in kan chhuahsan ta rawih a.

                                 

16^th August 2019 zinglam dar 6 velah Danushkodi area chu kan lut phei a,motor te ke pali neiin kan in phur phei a,kan hlim tlang hle a,khua ala var tha chiahlo na in kan mit kan len nasa bawk a,kan hmu thei vek tho mai.Tin Kerala mi pakhat thian kan chhar phei bawk a.

He khaw ram tawh kan kal chhan leh a chanchin hi han sawi hmasa ila atha awm e:

Sri Lanka ram  atang a Km 20 vel chauh awm, Tamil Nadu state a  khaw pakhat Pamban Island huam chhung ami niin Danushkodi tih hmingpuin khua an din a,khaw thangduang tak ni chhovin Train station,Custom office,Post and Telegraph office,Medical institution pahnih,Railway Hospital pakhat leh office dangte awm chhovin tudang an ngai bik hauhlo ang le..Nimahse an hmalam hun tur erawh an hrelo chiang hle a,hringmi zaleng zingah hmalam hun hrethei awm se khu khua ah khuan tumah an awm duh hauhlo ang le.

Kum 1964 December Ni 23 zinglamah chuan India ramchhung a cyclone na ber te zinga mi chuan chu khawpui chu dimna leh khawngaihna nei miah lovin an nuai tehreng anih kha le.He cyclone rapthlak tak a thawh lai hian Train chhunga Passenger chuang a dinlai alo ni tehreng bawk a,ava han pawi vawng vawng tak em..

Danushkodi hmun a in 5000 chuang chu a chhe nghal vek a,Sangha man nan a an hman thin lawng 500 chuang a chhe vek bawk..Tin rel chhunga chuang mi 200 te chu an boral nghal vek bawk a,khualzin mi 3000 chuang hmun him a awm te leh Danushkodi khaw bul tlawhtu te an tangkhang bawk.Hemi chhiatna ah hian mi 1800 aia tam thi a hriat ani a,he hmun chhiatna hi arapthlak em avang leh khawdin leh pawh ngam awm a an hriatloh avangin Tamil Nadu State sawrkar chuan THE GHOST TOWN tiin a hminglem a sak phah ta tawp mai ani.Hemi hmuna office lian tak tak te leh zirna in te,biakin te leh rel kawng te chenin Cyclone in a dah ang angin ala awm tawp mai ani..

Danushkodi thlen hma hian kawng thui em em mai KM 5 ngawt a sei kawng ngil em em mai hi alo awm a,kan motor chuanna a chhe viau amaw ka tina a kan tlanchak hle mai.Tin he kawng ngil thui tak hi kawng satliah alo ni hauhlo mai a,kan vei lam pang chu Bay of Bengal tuipui zau tak kha ani mai a,tin kan dinglam pang vethung erawh Indian Ocean alo ni leh zel a,helai hmun tluka danglam hi a awm ngai dawn emawni tih mai awl tak ani bawk.

Kan tlan phei zel a, Danushkodi khaw ram chu kan thleng phei a,engmah tlawh hmasalo leh en lo chuan Shri Ram Setu View Point(Danushkodi Beach) an tih chu kan pan leh te te a.Vartian tak tak ala ni a,ni chhuak engmawi tak te chuan min lo Welcome tha em em mai bawk si a,tin ahmun vel afaiin boruak athiang nasa mai si a,anuam ka tiin beach ka lo kal ve nual tawh na a,heti lai hmun tluka nuam ka tih hi ka la tawng awmlo e.Tin hemi ni hian kan kal hma em em vangin August ni 16 2019 hi chuan Danushkodi leh achhehvel tlawh tura kal hmasa ber kan ni nghe nghe tak kha.

Tin hemi hmunah hian sangha man hi khap tlat ani a,kan kal zing bawk aniang aruka sangha man tur te kan hmu a,ka hmel te alo danglam deuh a,min lawm der ve viau nitur ani thlalakpuiah te min sawm a,kutsuih chibai te pawh kan han in buk ang lawp lawp bawk a.Ka hriat reng chu an kut Tuifinriat al in a ei kha kan han in chibai khan hmuhloh theihloh leh tawhloh theihloh ani a, an kut te chu no hmel tak si khan a thap hle tih kha ka hre chiangin tun thleng hian ka mitthla ah ala cham thei nia.Thla te kan la zo a, phur tak chungin tuifinriat so bulh bulh kara a thuk lai lam chu panin hlim takin kan inthlah ta aa(Dar ang tawnni awm leh tak ang maw).

Reitawk fang kan awm ta maw tih ah chuan Danushkodi khua tak tak ah chuan kan va let phei leh a,rilru ah ahunlai a mihring chiai dan tur te leh a rapthlak dan tur te ngaihtuah rauh rauh chungin thla chu ka la ta nghauh nghauh a,tin hemi hmunah hian kan in phih fai vel tak kha male..

Kristian tlangval nita chu biakin chhia chuan ka mit ala ngei mai. Chiang takin an biakin te ka zir chiang a,an sak dan leh an lung hman te,a chhung zauh zawng leh a chhung a thuziak awm la chhiar theih deuh roh te chu ka en ve thuak thuak bawk a.

Tin hemi hun hi a special ka tih em em na chhan chu Sava an tam in Mizoram a sava vang ber te zinga mi Arawn(peacock) chu a tam hle mai a,an ngam in khualzin ten an lawm hle nghe nghe.

Kan unau ten nunna hial an channa hmuh mahnise heti lai hmun kher hi chuan Pathian them thiam zia leh athilsiam ropui zia hi nasa takin min hriat nawn tir a,hun ka nei ka kal leh thei anih ngat chuan hringmi zingah vannei ka inti ngawt ang le....

V

 

 

 

New Delhi ah College ka kal leh peihlo!!!

Helen Lowry school atangin pawl 12 chu ka theih tawk leh tlem a thain ka zo ve a, tin Mizoram Board of School Education ah top 10  huangah ka telve hial bawk a(Ka tan chuan ava hlu tak)!! College ka kal ve dawn tih ka hriat atangin Mizoram college ah hian kal hi ka tum ngailo a,pawl 12 ka han zo te pawh chu Mizoram khawi college mah kha luh tumin dilna lehkha pakhat pawh ka thehlut talo reng a.Ka hmalam hun tur hre ngat ila chuan ka la chiang viau tur ani si a ..

 

Ka tum ber leh ka duh ber chu New Delhi ah chhuk a,college zu kal kha ani mai a..Chuti taka chak ta na fam chuan University tha tak mai Guru Gobind Singh indraphrasta University ah dilna New Delhi lama ka unaupa leh ka thianpa Pranab Kaishtha chuan ka tih buai ngai miahlo in engkim minlo tih fel sak a.

 

Date 10^th May 2013 ah Chaltlang ah ka pa hovin Train ticket kan han la a,kan lak ni tlai dar 6 ah hian Guwahati panin Sumo in kan tlan liam leh nghal a(Laipuitlang leimin ni 11^th may 2013). Kan Sumo chuan na hi ka sikul kalpui thin alo ni reng mai bawk a,ka lawm rilru kher mai.Guwahati thleng tur hian kan tluanglo hle mai a,nuihzatthlak leh hlauhawm tak tak kan tawng a. Insual buai,Truck accident,Traffic  Police te nen a thubuai nei nuaiin kan tum ram hmasa chu kan thlengve ta phawt a.

 

Date 14^th May 2013 ah New Delhi ka thleng a, ka ni te bulah ka lut te te a,Mizoram house ah room ka lak avangin tlai dar 5 velah ka nite nupa in minva thlah a.Ka room no hi room no 111 ani.

 

Ka kal chhan ber pakhat entrance exam alo hun a,chu entrance atana ka inbuatsaih loh zia leh ka confi zia chu ropui tak ani.Exam ka zo a,ka thiamlo viau in ka in hria a,mahse Pathian zarah ka tling veleh hlauh mai bawk a..ST zar ka zo thei leh nghal a,hnamdang rank neitha tak tak te bawh kanin ka counselling date te chu ahma em em mai a,ka lawm rilru viau reng a.

 

Hun alokal a,ka tih duh leh ngai te ka han tizo deuh duak a,mahse ka rilru ah kimlo leh ruak a awm tlat thin a,ka hre thei mai bawk silo..Ka tawngtai a,ka nu leh pa te ka rawn reng thin bawk...Mahse chu ka nun ruak tak chu lunglenna leh khawharna ah a inlet ka ti mai,nasa takin ka haw chak ta tlat mai le...Mizoram a college kal duhlo leh kal tumlo tak kha kal chakna in ka khat ta si a.Tuma dan zawh rualloh in ka duhna leh ka tumna chu ka ti hlawhtlingin New Delhi ah college ka kal leh peihlo ti chungin ka chhungte ka hriattir te te a,ka haw leh ta daih a..!!!

 

He ka thiltawn hian zirlai tamtak min zirtir a,ka nunah nasa takin puitlinna kawngah min kaihruai a,chu mai anilo he hringnun ah hian kan tumna leh kan duhna te chu mihring thu leh ruat anih loh zia hi chiang takin Pathian hian min hriat tir ni hian ka hria a.Eng ang pawn mihring hian tumin bei mahila Pathianin kan tana aruat leh ka hmalama adah anihloh chuan holam takin a zuzi leh mai thin tih hi chiang takin ka hriatphah a ani...

Ka hna dilna hmasa berah min ringhlel!!!

Lehkhathiam thei leh mite aia rilru chak nilo ta chu harsa takin Pawl 10 chu kan inziak Passi ve mai bawk a,ka rilru a awm hmasa ber chu hna neih ani nghal a,a chhan chu lehkha ka thiam theihloh leh ka zir peih bawk siloh avangin ka tan chuan kawng dang thlan tur a awm hranlo bawk.

 

Chutia rilru lamah nasa taka ka in ngaihtuah lai chuan pawl 11 luh alo hunta leh  ta mai bawk si  nen,ka inziak lut leh ta ngawt mai bawk a.Mahse ka tui thei thlawtlo ani ber mai, ka thianpa ka classmate nen a inthurual in ****** Department a ********* training tur chu kan dil dun ta alom..

 

Written exam alo hun a,exam hall kan han lut reng reng te chu ‘anva Junior ve’ anlo ti nghal ringawt sir khat atangin,nuihaza lovin anuam hauhlo mai. Tluang tak chuan kan exam chu kan zo a,ka inbuatsaih rukna chu rin aiin alo chhuak tha a,ka rilru tak chuan ka tlin ve mai pawh ka ring rilru hle a,mahse ka vawikhat tih vena anih avangin ka hrethiamlo in rindan chin tawk pawh ka hrelo khawp mai thung.

 

Result te alo chhuak a,vanneih thlak takin leh ka zir ve chhun te kha afuh ve vang hrim hrim in ka tling ve hlauh a.Mahse lawm thei kala ni tlatlo,a chhanchu Interview ala awm tlat mai le.

 

Hun leh ni aliam a,Interview hun alo thleng ta,ka zam rilru viau chungin lehkhazir ka peih tawh thlawt loh avangin phur takin ka kal ve ta ngei a,engtin nge min tih dawn a,eng tawngka in nge min lo chhawn dawn tih hrelawk ngat ila chuan ka kallo chiang ngawt ang le.

 

Interview na hmun ka va thleng chu le ka pa rual te,ka u rual te,ka patea rual te ka interview pui tur anlo ni deuh nuk mai..Ihi leee ka haw leh daih mai dawn amanle aw ka ti rauh rauh a,mahse ka lehkha zir peih tawhlo na chuan min la hneh ngaih ngaih hle aniang chu,ka thu lut ve tawp ta a,thih leh thih ka ti rilru ta ve ang khang lai khan...

 

Ka interview hun alo thleng a,kan lut ve ta rap mai le. Chhairo mi 3 anlo thu,ka tan chuan thilthar ani,ka zak lutuk,ka thu ve ta rap mai le..Engtak min zawt ang mawle??

 

Zawhna ka dawn thenkhatte chu,zawhna zawng a danglam tak mai,rinhlelhna a chhunkhah a awmin hengte hi min han zawt teh reng anih kha: I chhungten an phal em ni? Arukin mi ilo dil? In zirtirtu ten an phal em ni? Ila naupang sia chance ila ngah a,midang i kian thei em? I chhungten tling mahla an phal dawn ami? I nu leh pa phalna in ilokal lo ang?

Tiin fiamthu leh tihtak deuhin min ti mai chu,kei ka vawikhat tih ve na leh khawr em em ni bawk si chuan ‘Ka hre bik nang’ ka ti zo deuh vek ni berin ka hria..Zawhna harsa min zawtlo a,ka tlin dawnlo zia leh van san zia chu ka mit awmna ka hriat tlukzetin ka chiang...Ka interview ka zo a,ka chawl khawmuang lemlo.Bus in kan in panin ‘ka lo va kal kher kher a’ ti rilru pahin chu ka chhungte remtihna tel hauhlova dil anga min ringhlel tlat tute lal ram chu ka liam san ta vang vang a.......

 

 

'Ka Thian' Music Video Ropui Takah Ka Telve

Music video han ti ila, Music video min tihsak kherlo mai thei bawk e..Master Degree Ka zirlai a ka batchmate te an ni e..Tin an ni hi MBA,Msc,MA,MCA tha takin an zo vek bawk a,ka chhuang hle ani...

 

Mahatma Gandhi lim leh a bula thilmak tak chu!!!!(A hmuna ka kal chilh)

Mahatma Gandhi Statue:

India hnampa Mahatma Gandhi lim an siam zinga lian ber pawl Pondicherry khawpuiah hian a awm a.He milim hi feet 13 lai a sang  niin a kiangah lungchang tak leh sang tha tak mai pariat lai mai an phun bawk. Heng lungban te  hi Pondicherry atanga Km 70 vela hla Gingee hmun atanga an lak ani a,he hmun ti hlutu hi ani chiang ngei mai. \n\n

He Gandhi lim lian leh mawi tak mai hi milim ker kawng a milar tak Roy Choudharya kutchhuak ani a,ani hi Madras School of Art and Craft mi leh sa ani. \n\n

Tin thilmak tak mai chu he milim hnuaiah hian kua/leiverh a awm a,he leiverh hian Gingee fort a pawh e tiin an sawi thin! Heti lai kua hian alo pawh reng em ti a fiah leh beih te pawh alo ni a,mahse he leiverh chhunga an awmlai hian thawchham a thi an awm nual tak avangin  tha han thawh zui zel chi niin an hrelo a,1960 khan heti lai leiverh/kua awm chu anlo khar ta ani.\n\n

<b>Address: Beach Road, White town,Puducherry</b>\n\n

Gingee Fort-

South India ka zinna leh ka khawsakna tawinawi...

Zirna avangin Pondicherry ah 2017 atangin ka awm ve tan a, ka rin aiin ahmun hi anuam a, a boruak te pawh hmundang ka lo kalve tawhna te ngaihtuah chuan a zia ka ti khawp mai.

Thiantha tak mai Arshad Sabu of Kerala ka nei a,zin vel te nuam ati ve em em a ,kan zin dun nasa em em a,tin kan thianpa tho Sanju Govind pawh kan vei vahna velah alo telve reng reng thin.

\n\n

.

        \n\n

Tan ang leeeeee...

        <b>Rock Beach:</b>

 Pondicherry tlawhtu ten an tlawh hmaih ngai miahlo a ka rin chu Rock Beach hi ani. He beach an siam dan kal hmang hrim hrim te, kawng ngil thui em em mai atanga Bay of Bengal fawn leh ri hlup hlup hmuh leh hriat theih a a awm ringawt pawh hi anuam veng veng tawh hrim hrim. Tin hmuhnawm eng eng emaw he beach kam ah hian anlo huaihawt ve reng bawk nen, tin thlalak na hmun tur tha tak tak a awm a, han chhawlhal deuh leh duh ang tak mai ei leh in tur Beach tluanin a awm a,hmun nuam tak pakhat ani ngei mai le. Ka thian lo zin te anlo awm ve zauh zauh tawh a, heti lai hmunah engmah in ngaihtuah buai ngailovin ka kalpui hmasa ber thin.

\n\n

<b>Serenity Beach/Body Beach:</b> \n

Pondicherry ah Beach a chen iduh chuan hmundang pan buai lovin he beach ah hian kal la I ti sual lovang. A hmun a fai a, tin tui cheng duh tan a tui fawn nat na hmun deuh leh nat loh deuhna hmun te a awm avangin kal man hla tak ani. A Zo,Sap,Vai  thlengin tui cheng tur in an kal duah duah thin. Kar tawpah mi an tam zual a, tin tlailamah erawh Beach ah hian chen an phallo ani. Kei ngei pawhin he lai hmun hi chu ka kal zingin ka cheng ngun ve hle thin reng ani.

\n

  <b>Light House:</b> \n

Mizo ten ataka kan hmelhriat tam loh em em chu Light House hi ani awm e. He hmun pawimawh tak leh tangkai tak hi kei lawngpu nilo ta na fam chuan chhawr na tur ka nei vaklo nachungin ka tan chuan khaw thlir na hmun nuam ber erawh ani ang lawi a! He mi hmun sang tak atang hian Pondicherry khawpui chu alang chiang hle mai a,chumai anilovin Bay of Bengal Tuifinriat cham put mai te chu he lai hmun tang hian chiang em em in ahmuh theih a ani. Helai hmun hi kei ringtu inti pawh hian rinzualna leh harthar nan ka hmang ka inti ve thin a, a chhan chu Pathian thilsiam ropui em em mai mahni mit ngei a han hmuh ngat chuan kan Pathian lo namai loh zia hi ka ngaihtuah nawn awn awn thin ani. Thiante hruai leh mahni te pawhin Pondicherry Light house ah hian ka kal fo ani.

\n\n

<b>Science Center:</b> \n

Pondicherrry science center ah hian  vawi hnih ka va kal ve tawh a, a hmun buatsaih dan te leh an thil neih te kan ram tan ka awt hlawm hle mai. He hmun that bikna nia ka hriat chu Tuifinriat a nungcha te chanchin hrechiang chak tan chuan hemi hmun hi ikal na hmun tur dik tak ani ngei ang le. Chumai anilo a, an khawl dah te leh thil chi hrang hrang an chhawp chhuah chu hmundang anglo takin hman theih leh tih chhin theih an ni deuh vek a, ahlu in kal a man hla hle ani.

Tin Planeterium pangai tak a awm bawk a, a bengvar thlakin vansang chanchin zir te pawh a chakawm thar rum rum thin ani.Mutthilh erawh a awl hle a, ka kal hnuhnung ber tum phei chuan thianho a kal kan ni bawk a, ka thianpa pakhat Pondicherry University a MA Philosophy zirlai  pheichu a engmah enve talo chuan alo muhil zo thak a, video a zawh tawh hnuah mi zawng zawng an chhuah hnuah kaihthawh ngaikhawpin alo la muhil tui a, a finthlak loh hle ani.

\n\n

<b>Botanical Garden</b>: \n

He hmunah hian khawlum vanglai pawhin kal la boruak nuamtak I hnuaiah hun ihmang thei tho ang tih ka hrilh duh che. Thing lian tak tak te chuan boruak an ti dai ani mai lova khawhawi an ti nuam em em a,tin an chawlh hahdamna sak te pawh  anuam in awm reng achakawm thin reng ani. He hmunah hian in tihhlimna hmun tlem azawng te an dah ve nghe nghe a,tin a hmun in a zir bawk nen a zau hle a,sava chi hrang hrang hram ri te chuan beng a ti tlai hle ani.He lai hmunah hian boruak nuam bik a awm avangin kei ahmun hi nuam ka ti a,ka kal fo reng ani. Thing lian tak tak te chu an bulhnai thil tarah chuan an chanchin ziahna chiang takin an tar zel a, ahlawk thlakin in zirmi deuh tan chuan hriatna tizau tu tha tak atling ngei angle. Tin Aquarium te leh thil dang mit titlai tak tak pawh hmuh tur a tam hle a,tin hnamdang in ngaizawng te pawn len nan an hmang nasa thin hle ani he hmun hi.

\n \n

<b>Matrimandir</b>  \n

Matrimandir hi Golden globe ti te pawhin an sawi thin a,hmun nuam ka tih pawl ani a,mahse akal dan te ahautak deuh avangin kei pawh vawikhat chiah ka la kal ani.\n

Heti lai hmun hi Auroville hmuna awm ani a,engemaw chen chu lirthei a ken theih a,mahse ke a kal ngai a awm vangin ahahthlak ve hle.Bus service hi a awm a,mahse midang kal duh an tam thin avangte leh service atlem em avangin mitam zawk chuan ke a kal an thlang thin ani.He ti lai hmunah ah hian ahmun tlawh duh hrim hrim inih chuan engmah ticket la lawk lovin akal tawp thei a(gate luhna ticket chu lak angaitho a,mahse ahmunah buaina awmlo alak theih),mahse a Golden Globe a I lut duh kher erawh chuan nikhat hmalamah ticket laklawh angai thin a, kei ngei pawh hi a chhungah ka la lutlo ani.Matrimandir hmunah hian chiang takin he Matrimandir an din chhan te leh Auroville chungchang te an ziak a,a bengvar thlak hle. Matrimandir thlen hma hian thil chi hrang hrang lei tur an zuar bawk a,thil man erawh a to deuh.

\n\n

<b>Bazaar na hmun</b> \n

Bazaar dawn hian kan thil lei duh zawng a zir hian ahmun te pawh a in anglo thei a, mahse Aizawl Bazaar ang deuh a an neih ve chu Sunday Market an ti a, thil chi hrang hrang kawngpuiah an in pho chhuak a,tin aman pawh atlawm ve thei hle thin. Thil chi hrang hrang tarmit atanga vawthlep thlengin man man takin alei theih thin a, bazaar nan chuan hmun tha ve ber pawh ani chian ngei mai.

\n\n

Mall kan tih ang chi hi pakhat awm ve in Providence mall an ti a,thil a chikim ve ang reng hle a,Movie theatre,Electronic Devices,Thawmhnaw  thlengin duhthlan tur atam hle ani.Tin helai hmun nilo dawr lian tak tak heng Pothys,Max leh adangte pawh an awm a,tin hmeichhia ten an lawm em em KG dawr te pawh a awm ve nual a,Pondy ikal anih chuan thawmhnaw a KG te pawn han lei ve reng reng la, Mizoram ah an tih ngailoh avangin nakinah thil sawi nuam tak alo ni ve thin ania.

\n\n

        <b>Pondicherry bul ka tlawhte</b> \n\n

South India ikal anih chuan Beach tlawh tura inngaih tlatna hi a awm ve a,chuvang chuan Pondicherry atangin hla deuh mahse ka kal tawhna a beach nuam ka tih ber chu Danushkodi beach hi ani.He lai hmun hian chanchin tam tak anei a,he lai hmun tang hian Sri Lanka chu Km 15 vel chauh ani tawh nghe nghe ani.He beach hi athianghlimin a fai hle a,a tiau te pawh a fai in arawn te pawh analh hle mai a, tih he lai hmun hlu ka tih em em mai nachhan chu Bay of Bengal leh Indian ocean in pawhna hmun anih vang te hian hlu ka ti a,beach ka tlawh tawh zingah chuan midangin tlawh vese ka tih em em hmun chu ani. Hemi hmun hi Rameshwaram atanga hnai te anih avangin kal aman hla hle a,Rameshwaram ah hmun tam tak tlawh pahin kal a remchang hle ani.

        \n\n A chung a thlalak lolang khi India ram a relkawng hlauhawm ber a an sawi thin <b>Pamban Bridge</b> ani a, South India mai nilo India ram puma

        Lei lar leh tlawh hlawh tak ani.He Lei hi Rameshwaram khua kal tur a kawng awmchhun ania(rel a kal chuan kawng awmchhun ani a,tin road bridge pangai pawh a awm bawk a chunga kan hmuh ang khian), Rameshwaram i kaldawn anih chuan i kal ngei ngei angai ani.

        He lei 24 February 1914 a hawn hi Km 2 zet a sei leh tuipui chung a India lei sak hmasak ber ani a,tin rel kawng an siam hnuah ah hian lirthei chi hrang te kalna tur a siam motor kawng pangai ang chi lei siam ani veleh a,a chunga kan hmuh ang hian lei pahnih te chu alang ani.Ka vannei a he lei pahnih te hi ka tlawh ve ve a,Rel kawng a kan tlan lai hian Rel engine an off a,a tlanmuang si a hmuh anuam kher mai. Hlauhna lam ai mahin hmuhnawm thlir a thlir a awl zawk hle ani. He lei hian chanchin tam tak anei a,Hindu sakhua nen a in zawm thilte pawh tam tak a awm niin an sawi thin a,chung zawng zawng chu kan sawi seng dawn silo a,Google lamah han bihchiang leh zual la a tha ang. He hmun i kal anih ngai chuan hmundang a aia tha leh nuam a awm chuang hranlo South India ah tih ka hrilh duh che ani keima mimal ngaihdanah chuan.\n\n

        \n\n

Pondicherry atanga Km 70 vel leka hla ah Gingee Fort a awm bawk tih hi ka hrilh duh bawk che. He hmun mak leh danglam tak hi han tlawh chhuak vela i rilru ah zawhna tam tam alo lut anih pawhin mah tilo la,kei ngei pawhin ka lo tawn ve tawh tho ani. Engtiang a he Fort hi an sak nge , tute sak nge,an sa rei em tih te i rilru ah alo awm nasa ve viau ka ring ani.Tin fort hi tlang pathum lung hmun diktak maiah chuan a awm mauh mai a, fan kim erawh ahar hle reng ani. He lai hmunah hian thil eitur mumal an zawrh thin loh avangin mahni in ken afuh viau a,tin zawng an tam avangin fimkhur angai hle bawk ani.He fort hi han bel chiangin han zirchiang ve teh le.

        \n\n

Tin South India ikal ta law law a, hmun tlawh tur iduh anih chuan Kanyakumari ni chhuak lai te, ni tla lai te thlirte aman hla hle a,South India hmun tam tak anglo takin an khawthleng te khu adanglam a,tin kil tin mai chu zinmite hmun anih angin sumdawnnna hmun ani mai a,thil zuar an tam in tlawh tur in hnaih te te ah a awm a,tin an thil siam atui in aman pawh ato lo bawk.Hotel pawh a tam hle a,aman pawh athat dan azir in aman a in anglo ve a,atlangpui thuin hotel man pawh ato lo hle.Kanyakumari hlu ka tih em em mai na chhan chu Bay of bengal,Arabian sea,Indian Ocean te insuihkhawmna hmun ani a,thlir anuam hle ani.Hmun dang anglo takin beach bul vel thli a thaw nasa hle a,View Tower an tih ah phei chuan phone pawh kan keng chhuak tha ngamlo ti ila kan sawi uar lutuk lo ang chu maw.Khualzin an tam thin hle a,zan lamah pawh kan in zui suau suau mai thin reng a. Zinglamah leh tlai lamah chuan nichhuak leh tla thlir turin kan in tlar thui thin hle.

\n\n

        Tin Kerala hmunpui ber pakhat Kochi te pawh hmun ka tlawh tawh ah chuan tlawh nawn leh theihse ka hnial hauhlo ang le.Kawng an neih that zia te,khualzin te hip tur a hmun an sawngbawl thiam zia te abik Fort Kochi atang ringawt pawhin thil tam tak i hre thei ang.Tin tuilam a che chi lawng lian tak tak hmuh tur atam hle a,tin Indian Naval Academy te pawh a awm nghe nge ani. Tin an Lulu Mall len zia leh ropui zia te kha aw,hmun nuam tak zawng ani chiang mai. Kim taka ziah a chakawm hle a,Fort Kochi chhunga thil tlawh theih hrang hrang te,an sangha man dan danglam lutuk te pawh hun ala awm anih chuan kim chang takin ka la rawn dah dawn nia.

\n