Pathian a thinrim hle a Amalek ho lakah, Amalek ho lakah a thinrim na chhan chu Israel fate Aigubta ram an chhuahsan dawn khan Amalek ho hian anlo dang ani tih bible ah kan hmu a,chu a thinrimna phuba la tur chuan isreal lal te zinga hmasa ber lal saula chu Lalpan tir ani.Soula hian Pathian thupek keng in Amalek ho hi a bei a,chu a thu ken chu Amalek mite va ti chimit vek a,engmah zuah lo turin thu a pe ani.Nimahse lal soula hian amalek ho lal Agaga chu a nung chungin aman a,tin an ran rual zing a atha bawng leh beramte a hawn bawk ani.
Hemi ah hian zirtur tam tak a awm thei a,Pathian duh dan leh a thupek hre chang lova thiltih te ,Mahni phurna ang a kal vak mai te hi Pathian duh zawng ani lo tih alang thei ang.Tin lal soula an ran rual thau tha a hawn ngawt mai na chhan te kha ami te a hlauh vang ani a,chumi awmzia chu a mipui te tih lawm atum vang mai ani.Chutiang chiah chuan kan rawngbawlna ah te hian midang kan tih lawm tum vang mai rawng kan bawl a,Pathian duhdan pawh ngaihsaklo kan ti thin anih chuan chu chu Pathian duh dan ani lo ani tih lal saula nun atang hian a hriat a ni.
\nSaula hi Pathian hian a hrem na hle mai a,a thlarau thianghlimin a chhuahsan a,chumai duh tawk lovin Pathian tirh thlarau sual in ati buai thin bawk a ni.Hei mai pawh hi anilo a,Pathian biak a tum chang te pawh in inlarna emaw mumang lam thleng pawhin Lalpan a be duh tawhlo tih kan hmu ani.
Saula nun a thil pawi tak pakhat chu thil atih sual tirh khan zawlnei Samuela hmangin Lalpan a thiltih dikloh te a hriattir a,thil a tih dikloh te chu alo hrethiam hle a,Pathian biak pui tur te pawn a sawm ve tih bible atang pawh in kan hmu ani.Nimahse thil pawi tak mai chu a mipui te leh a upa ho hma chawimawi tura zawlnei Samuela an phut tlat mai te kha Pathian hian kha rilru chapo na leh lansarh duhna lai tak mai thiltisual reng mai si kha a haw hle niin asawi theih bawk ang. Tin ahun hnuhnung ah chuan ral lak ah a thi a,a lalna a faten an chhawm lo bawk a,lal davida in a lalna a chhunzawm ta ani.
\nKan sawi tak ang khan Davida hi Pathian pawhin ka thinlung ang pu mi ka chhar ta ,ani hian ka duh zawng te a ti thin ang atih mihring ngat kha ani. A ni pawh hian pawi a khawih ta tlat mai a chu apawi khawih chu mi nu a uire a tual athat bawk ani tih bible atangin kan hmu ani.Uria nupui Bethsebi chu a uire a,ani chu alo rai tasi a,tin Uria pawh chu ralram a akal na lamah a hmatawngah a dah tir a,tin Uria chu ral lak ah Davida ruahmanna in alo boral ta ani.
Pathian in Davida hi zawlnei nathana hmangin athil tih dikloh te a hriattir a,Pathian in a hrem dan tur te thlengin Lalpan Nathana chu a hriattir a,Nathana chuan engkim Pathian thu ken tir zawng zawng chu Davida chu a hrilh fai vel ani.Davida chu a inchhir em em a,mahse Pathian hnenah a hremna dawn tur te chu la kiang tur leh ti nep turin a dil miah lova.Davida in Pathian hnena a dil chu a thlarau thianghlimin a chhuahsan lo tur leh laksak lo turin a dil ta ngawih ngawih zawk ani.Davida hi a rilru ana hle ani tih leh a inchhir hle ani tih hriatna chu Sam ah kan chhiar chuan Thinlung lungchhia a tap zawih zawih te hi min hmusit lovang che a ti ngawih ngawih ani.
\nDavida dilna ang hian Pathian thlarau thianghlimin a chhuahsan lova,mahse Lalpan a hremna dan tur asawi angin a hrem tho a,mahse a lalna te leh thu neihna a damchhungin a chang a,chumai nilovin a fapa Solomona chuan apa lalna a chhunzawm bawk ani.
\nHemi te pahnih a tanga lang chiang ta em em chu thil kan ti sual anih pawh in a thup zawng leh mawi zawnga lak tlat tumna thinlung te hi Lalpan a duhlo tih alanga,Davida ang a Pathian hnen a ngaihdam kan dil a,Lalpa thlarau thianghlim chenchilh tlatna nun kha kan dil tur leh Lalpa hnen a kan ngen tlat tur chu alo ni zawk alo ni tih hi alang chiang em em ani.
No comments:
Post a Comment